Mga Benepisyo Sa Pagkain Ng Kamote (Sweet Potato)
Ang kamote o sweet potato ay isang kilalang bungang-ugat na madalas
kinakain ng maraming mga Pilipino. Tinatanim at inaani ang kamote sa maraming
lugar sa mundo partikular sa maiinit na rehiyon kagaya ng Pilipinas.
Ang iba’t ibang bahagi ng halamang kamote ay maaaring
makuhanan ng maraming uri ng kemikal at sustansya na maaaring may benepisyo sa ating
mga kalusugan.
Maaaring gamitin bilang gamot ang ilang bahagi ng halaman ng
kamote tulad ng dahon at bungang-ugat nito.
Madali rin itong iprepara. Pwede itong pakuluan,
ihawin o kaya ay ihalo sa ulam. Ito ang ilan sa mga sikat na benepisyo ng
pagkain ng kamote.
Ang Mga Benepisyo Sa Pagkain Ng Kamote
1. Mayaman ang kamote sa iron na kailangan para sa malusog
na red blood cells.
2. May taglay na beta carotene ang kamote na nakakatulong sa
ating immune system.
3. May taglay na vitamin A ang kamote na kailangan para sa
balat, mata at immune system.
4. May taglay na vitamin C ang kamote na nakakatulong
mapalakas ang resistensya.
5. Mainam ang pagkain ng kamote para sa pagkontrol ng blood
sugar dahil mababa ang glycemic index at hindi biglaang nakakapagpataas ng
blood sugar.
6. May taglay na calcium ang kamote na pampalakas ng buto.
7. Mayaman sa fiber ang kamote na nakakatulong para sa
pagtunaw ng pagkain at mababa din sa calories.
8. Mayaman sa potassium ang kamote na nakakatulong magpababa
ng blood pressure.
Iba’t Ibang Sakit At Kondisyon Na Maaaring Magamot Ng Kamote
1. Diabetes
Ang pagkain sa dahon o talbos ng kamote ay mabisa para matulungan ang paggaling ng sakit na diabetes.
2. Dengue
Nakatutulong ang pag-inom sa pinaglagaan ng dahon ng kamote
para mapanumbalik ang nasirang mga platelets dahil sa sakit na dengue.
3. Pigsa
Mabisang panglunas sa pigsa ang pagtatapal ng dinikdik na dahon ng kamote.
4. Sugat
Ang pagtatapal ng balat ng kamote ay malaking tulong sa mabilis na paghilom ng mga sugat.
5. Pagtatae
Karaniwang kinakain ang bungang-ugat ng kamote para sa may mga sakit na diarrhea.
Mga Benepisyo Sa Pagkain Ng Kamote (Sweet Potato)
Reviewed by Yen The Explorer
on
September 25, 2018
Rating:
Post a Comment